பெய்ஜிங், பிப். 9 - உலக அளவில் தங்க உற்பத்தியில் சீனா 6 வது ஆண்டாக தொடர்ந்து முதலிடம் வகிக்கிறது. கடந்த 2007 ம் ஆண்டு தென்னாப்பிரிக்காவை பின்னுக்கு தள்ளிய சீனா, தங்க உற்பத்தியில் உலக அளவில் முதலிடத்தை பிடித்தது. உலகில் தங்க நுகர்வோர் அதிகம் உள்ள நாடாக இந்தியா உள்ளது. அடுத்த இடத்தில் உள்ள சீனாவில் 761.05 டன் தங்கம் விற்பனையாகிறது. 2012 ம் ஆண்டு தங்க உற்பத்தி 403.05 டன் என்ற உச்ச அளவை சீனா எட்டியது.
அதற்கு முந்தைய ஆண்டில் சீனாவின் தங்க உற்பத்தி 11.66 சதவீதம் அதிகரித்தது. 1949 ம் ஆண்டு சீனாவின் தங்க உற்பத்தி வெறும் 4.07 டன்னாக மட்டுமே இருந்தது. கடந்த ஆண்டின் தங்க உற்பத்தியில் ஷண்டாங், கனஸ், ஜியான்சி உள்ளிட்ட 10 முக்கிய மாவட்டங்கள் அளித்த பங்களிப்பு மட்டும் மொத்த உற்பத்தி அளவில் 82.71 சதவீதமாகும்.
