விமானி மயக்கம்: விமானத்தை பாதுகாப்பாக இறக்கிய இளைஞர்

கேன்பெர்ரா, ஜன.28 - விமானி மயங்கியதால் விமானத்தை இளைஞர் ஒருவர் பாதுகாப்பாக தரையில் இறக்கினார். ஆஸ்திரேலியாவில் நியூ சவுத் வேல்ஸ் மாகாணத்தை சேர்ந்தவர் டெரக் நெவிலி. விமானி ஆகப் பணியாற்றினார்.

இவர் செஸ்னா 150 ரக விமானத்தை ஓட்டினார். அது ஒரு எஞ்சின் மட்டுமே பொருத்தப்பட்ட எடை குறைந்த விமானமாகும். இவருடன் ஜென்கின்ஸ் என்ற 19 வயது இளைஞரும் சென்றார். திடீரென விமானி  மயங்கினார். அப்போது தனக்கு உதவுமாறு உதவி கேட்டார். இதை மைக்கில் தெரிவித்தார். உடனே ஜென்கின்ஸ் விரைந்து சென்று விமானத்தை ஓட்டி 30 நிமிடம் வானில் வட்டமடித்தார்.  

தரையிலிருந்து கொடுக்கப்பட்ட வழிகாட்டுதலின்படி அவர் விமானத்தை இயக்கி பத்திரமாக தரை இறக்கினார். பின்னர் விமானியை மருத்துவமனையில் சேர்த்தனர்.