முக்கிய செய்திகள்

ஜெகன் மீது பொய்வழக்கு: ரோஜா குற்றச்சாட்டு

வெள்ளிக்கிழமை, 5 ஆகஸ்ட் 2011      சினிமா
Image Unavailable

நகரி, ஆக.6 - ஜெகன்மோகன் ரெட்டி மீது சொத்து குவிப்பு வழக்கு என்ற பொய்யான வழக்கை தொடர்ந்து அவரது கட்சியை அழிக்க காங்கிரஸ் சதித்திட்டம் தீட்டியுள்ளதாக நடிகை ரோசா குற்றம் சாட்டியுள்ளார். நடிகை ரோசா தற்போது ஒய்.எஸ்.ஆர்.காங்கிரசில் முன்னணி தலைவர்களில் ஒருவராக உள்ளார். அவர் நகரியில் நடந்த பொதுக்கூட்டம் ஒன்றில் கலந்துகொண்டு பேசியதாவது, ஆந்திர மக்கள் ஜெகன்மோகன் ரெட்டியை முதல்வராக்க வேண்டும் என்று விரும்புகிறார்கள். ஆந்திராவுக்கு எப்போது தேர்தல் நடந்தாலும் ஜெகன்மோகன் ரெட்டிதான் முதல்வர் என்ற நிலைமை ஏற்பட்டுள்ளது. அதனால் அவர் மீது சொத்துக் குவிப்பு என்ற பொய்வழக்கை காங்கிரஸ் தொடர்ந்து அவரை அழித்துவிட நினைக்கிறது. இதனை ஜெகன் எளிதில் முறியடித்துவிடுவார். ராஜசேகர ரெட்டி பரம்பரை பணக்காரர். அவர் முதல்வராவதற்கு முன்பே கோடீஸ்வரர். அவர் பணத்தை பல்வேறு நிறுவனங்களில் முதலீடு செய்து தனது ஒரே மகன் ஜெகனுக்கு முறைப்படி எழுதிவைத்தார். அதற்கெல்லாம் கணக்குள்ளது. எனவே ஜெகனில் பெயரைக் கெடுக்கவே இந்த வழக்கு. எத்தனை வழக்குகள் தொடர்ந்தாலும் ஆந்திர மக்கள் மனத்திலிருந்து ஜெகனை நீக்கவே முடியாது என்றார்.

இதை ஷேர் செய்திடுங்கள்:

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2021 Copyright Thinaboomi. All Rights reserved. No reproduction of any sort is permitted.