முக்கிய செய்திகள்
Idhayam Matrimony

சிரியாவில் புரட்சியாளர்கள் மீது அதிரடி தாக்குல்

புதன்கிழமை, 10 ஆகஸ்ட் 2011      உலகம்
Image Unavailable

 

துபாய்,ஆக.10 - சிரியாவில் புரட்சியாளர்கள் மீது அரசு படையினரை ஏவி கொடூர தாக்கல் நடத்தி வருவதற்கு இதர அரபு நாடுகள் கடும் எதிர்ப்பு தெரிவித்துள்ளன. சிரியா அதிபர் பாஷர் அல் ஆசாத்திற்கு கண்டனமும் தெரிவித்து வருகின்றனர். 

எகிப்து நாட்டில் புரட்சி ஏற்பட்டு அங்கு ஆட்சி மாற்றம் ஏற்பட்டது. அதனையடுத்து லிபியாவில் அதிபர் கடாபிக்கு எதிராக மக்கள் கிளர்ச்சி நடத்தி வருகிறார்கள். அதிபர் கடாபி, பதவி விலக மறுத்து வருவதோடு போராட்டம் நடத்தி வரும் மக்கள் மீது ராணுவத்தை ஏவி தாக்குதல் நடத்தி வருகிறார். கடாபிக்கு எதிராக அமெரிக்க கூட்டுப்படைகள் போரில் குதித்துள்ளன. அமெரிக்க கூட்டு படைகள் தாக்கியதில் கடாபியின் மகன் கொல்லப்பட்டுவிட்டதாக கூறப்படுகிறது. இந்தநிலையில் சிரியாவிலும் அதிபர் பஷருக்கு எதிராக மக்கள் போராட்டத்தில் குதித்துள்ளனர். அவர்கள் மீது சிரிய ராணுவம் கடுமையான தாக்குதல் நடத்தி வருகிறது. இதற்கு அரபுகள் கடும் எதிர்ப்பு தெரிவித்துள்ளன. சிரியாவின் தலைநகர் டமாஸ்கஸில் இருந்து தூதரை சவூதி அரேபியா திரும்ப பெற்றுக்கொண்டது. பஹ்ரைன், குவைத் ஆகிய நாடுகளின் தூதர்களும் சிரியாவில் இருந்து திரும்பப்பெறப்பட்டனர். சிரியாவில் நிலைமை மோசமாக இருக்கிறது என்று ஜோர்டான் நாடும் தெரிவித்துள்ளது. ஆனால் இதற்கெல்லாம் அதிபர் பாஷர் அடிபணிவதாக தெரியவில்லை. ராணுவ அமைச்சர் மற்றும் ராணுவ தலைமை தளபதி ஆகியோர்களை அதிபர் பாஷர் நீக்கி இருப்பது போராட்டம் நடத்தி வரும் மக்கள் மீது தாக்குதலை அதிகரிப்பதற்காகத்தான் என்று பார்வையாளர்கள் கருதுகிறார்கள். ராணுவ அமைச்சர் அலி ஹபிப் நீக்கப்பட்டுவிட்டு ஜெனரல் தாவூத் ராணுவ அமைச்சராக நியமிக்கப்பட்டுள்ளார். ராணுவம் தாக்கியதில் ஒரு நாளில் 50-க்கும் மேற்பட்ட அப்பாவி மக்கள் கொல்லப்பட்டனர். இதற்கு பாஷருக்கு உலக நாடுகள் கடும் கண்டனம் தெரிவித்தன என்பதும் குறிப்பிடத்தக்கது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago