முக்கிய செய்திகள்
Idhayam Matrimony

ஊழல் அமைச்சர்கள் நீக்கம்: மாயாவதி நடவடிக்கை

வெள்ளிக்கிழமை, 7 அக்டோபர் 2011      இந்தியா
Image Unavailable

 

லக்னோ, அக்.7 - ஊழல் குற்றச்சாட்டுக்கு ஆளான மேலும் 2 அமைச்சர்களை உ.பி. முதல்வர் மாயாவதி பதவி நீக்கம் செய்துள்ளார். உ.பி. யில் ஊழல் வழக்குகளை விசாரித்து வரும் லோக் அயுக்தாவின் அமைப்பு செயல்பட்டு வருகிறது. இந்த அமைப்பின் குற்றச்சாட்டுக்கு ஆளான கால்நடை துறை அமைச்சராக இருந்த அவத்பால் சிங் யாதவ், அறநிலையத் துறை அமைச்சராக இருந்த ராஜேஸ் திரிபாதி ஆகியோர் ஏற்கனவே பதவி நீக்கம் செய்யப்பட்டனர். 

இந்நிலையில் தொழிலாளர் நலத்துறை அமைச்சர் பாட்ஷா சிங் மீதும் லோக் அயுக்தா அமைப்பு குற்றச்சாட்டை சுமத்தியது. இவர் தன் அதிகாரத்தை தவறாக பயன்படுத்தியதாகவும், நிதி முறைகேடுகளில் ஈடுபட்டதாகவும் குற்றம் சாட்டப்பட்டது. பள்ளிக் கல்வித்துறை அமைச்சர் ரங்கநாத் மிஸ்ரா மீதும் அளவுக்கு அதிகமாக சொத்து குவித்ததாக குற்றம் சாட்டப்பட்டது. இருவருக்கும் லோக்அயுக்தா சார்பில் நோட்டீஸ் அனுப்பப்பட்டது. இருவரையும் பதவி நீக்கம் செய்யும்படி மாநில அரசுக்கு லோக் அயுக்தா சார்பில் பரிந்துரை செய்யப்பட்டது. 

ரங்கநாத் மிஸ்ரா, பாட்ஷாசிங் ஆகிய இருவரையும் அமைச்சர் பதவியில் இருந்து நீக்கி முதல்வர் மாயாவதி உத்தரவிட்டார். இது தொடர்பாக உ.பி. மாநில அரசு சார்பில் வெளியிடப்பட்டுள்ள அறிக்கையில், இந்த இரு அமைச்சர்களுக்கு எதிரான வழக்கு விசாரணை நேர்மையாக நடப்பதை உறுதி செய்யும் வகையில் இந்த நடவடிக்கை எடுக்கப்பட்டுள்ளது. விசாரணையின் முடிவில் இருவரும் குற்றமற்றவர்கள் என நிரூபிக்கப்பட்டால் மீண்டும் அமைச்சர் பதவியில் சேர்த்துக் கொள்ளப்படுவர் என்று அதில் தெரிவிக்கப்பட்டுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago