வீடூர் அணையிலிருந்து பாசனத்திற்கு தண்ணீர் திறப்பு: முதல்வர் உத்தரவு

திங்கட்கிழமை, 12 டிசம்பர் 2011 தமிழகம்

அ+ அ-

சென்னை, டிச.- 12 - விழுப்புரம் மாவட்டம் வீடூர் அணையிலிருந்து பாசனத்திற்காக இன்று முதல் தண்ணீர் திறந்து விடப்படுகிறது. இதுகுறித்து முதல்வர் ஜெயலலிதா விடுத்துள்ள அறிக்கையில்கூறியிருப்பதாவது:-

விழுப்புரம் மாவட்டம், திண்டிவனம் வட்டம், வீடூர் அணையில் இருந்து பாசனத்திற்காக தண்ணீர் திறந்து விடுமாறு வேளாண் பெருங்குடி மக்களிடம் இருந்து எனக்கு கோரிக்கைகள் வந்துள்ளன. வேளாண் பெருமக்களின் வேண்டுகோளினை ஏற்று விழுப்புரம் மாவட்டம், வீடூர் அணையில் இருந்து பாசனத்திற்காக 12122011 முதல் தண்ணீர் திறந்து விட நான் ஆணையிட்டுள்ளேன். இதனால் விழுப்புரம் மாவட்டம், திண்டிவனம் வட்டம், வீடூர் அணையின் கீழ் உள்ள 3,200 ஏக்கர் நிலங்கள் பாசன வசதி பெறும் என்பதை நான் மகிழ்ச்சியுடன் தெரிவித்துக் கொள்கிறேன் . இவ்வாறு முதல்வர் ஜெயலலிதா வெளியிட்டுள்ள அறிக்கையில் கூறியுள்ளார்.