அம்மாபேட்டை அருகே செக்கானூர் கதவணை மின் நிலையத்தில் திடீரென மதகு உடைந்தது.

வெள்ளிக்கிழமை, 23 டிசம்பர் 2016      ஈரோடு

சேலம் மாவட்டம் மேட்டூர் அணையில் இருந்து காவிரி ஆற்றில் திறந்து விடப்படும் தண்ணீர் திருச்சி கல்லணையை சென்றடைகிறது. காவிரி ஆற்றின் குறுக்கே செக்கானூர், நெரிஞ்சிபேட்டை, கோனேரிப்பட்டி, ஊராட்சிகோட்டை, பவானி, தக்கலை-1, தக்கலை-2 ஆகிய 7 இடங்களில் கதவணை மின்நிலையங்கள் அமைந்துள்ளன.இந்த மின்நிலையங்கள் வழியாக தண்ணீர் வெளியேறும் போது, தலா 30 மெகாவாட் மின்சாரம் உற்பத்தி செய்யப்படுகிறது. மேட்டூரை அடுத்த செக்கானூரில் அமைக்கப்பட்டுள்ள கதவணை மின் நிலையத்தில் மொத்தம் 18 மதகுகள் உள்ளன. இங்கு நேற்று மாலை 4 மணியளவில் 7-வது மதகு(கதவு) தண்ணீரின் அழுத்தம் காரணமாக உடைந்தது.இதையடுத்து அந்த உடைந்த கதவின் வழியாக தண்ணீர் பீறிட்டு காவிரி ஆற்றில் செல்கிறது.இதனால் இந்த மின்நிலையத்தில் நடைபெற்று வந்த மின் உற்பத்தி அடியோடு நிறுத்தப்பட்டது. மேலும் இங்கு கதவு உடைந்த பகுதியில் அவசர கால மதகு அமைப்பதற்காக மின் நிலையத்தில் தேக்கி வைக்கப்பட்டு இருந்த 0.45 டி.எம்.சி. தண்ணீர் முழுமையாக வெளியேற்றப்பட்டு வருகிறது. இது முழுமையாக வெளியேற்றப்பட்டவுடன் அவசர கால மதகு பொருத்தப்பட்டு மீண்டும் மின் உற்பத்தி நடைபெறும்.

குடிநீர் திட்டங்கள்

 இந்த மின் நிலையத்தில் முழுக்கொள்ளளவு தண்ணீர் தேக்கி வைக்கப்படும் போது, மேட்டூர் அணையின் காவிரி பாலம் வரை தண்ணீர் தேங்கி நின்று கடல் போல் காட்சி அளிக்கும். மேட்டூரை அடுத்த தொட்டில்பட்டி பகுதியில் காவிரி ஆற்றின் கரையோரமாக அமைக்கப்பட்டுள்ள சேலம், வேலூர் மாநகராட்சிகளுக்கான தனி குடிநீர் திட்டங்கள், காடையாம்பட்டி குடிநீர் திட்டம் உள்பட பல்வேறு குடிநீர் திட்டங்களுக்கு காவிரி ஆற்றில் தண்ணீர் ராட்சத மோட்டார்கள் மூலம் உறிஞ்சி எடுக்கப்பட்டு பயன்பாட்டுக்கு அனுப்பப்படுகிறது.தற்போது இந்த மின் நிலையத்தில் தண்ணீர் முழுமையாக வெளியேற்றப்படுவதால், இந்த குடிநீர் திட்டங்களுக்கு தண்ணீர் உறிஞ்சி எடுப்பதில் சிக்கல் ஏற்பட்டுள்ளது. எனவே மீண்டும் இந்த மின் நிலையத்தில் முழுமையான அளவு தண்ணீர் தேக்கி வைத்தால் மட்டுமே இந்த குடிநீர் திட்டங்களுக்கு தட்டுப்பாடு இன்றி தண்ணீர் கிடைக்கும்.

 

கலெக்டர் நேரில் ஆய்வு

 

 இது குறித்து தகவல் அறிந்தவுடன் சேலம் மாவட்ட கலெக்டர் சம்பத் மின்நிலையத்தில் மதகு உடைந்த பகுதிக்கு வந்து நேரில் பார்வையிட்டு ஆய்வு செய்தார். அவருடன் மேட்டூர் உதவி கலெக்டர் மேகநாதரெட்டி, பொதுப்பணித்துறையின் நிர்வாக பொறியாளர் சுப்பிரமணி, மேட்டூர் தாசில்தார் கிருஷ்ணன் ஆகியோர் சென்றனர்.மேலும் நாமக்கல், ஈரோடு மாவட்ட கலெக்டர்களுக்கும் இது தொடர்பாக தகவல் தெரிவிக்கப்பட்டது. தகவல் கிடைத்ததும் ஈரோடு மாவட்ட கலெக்டர் எஸ்.பிரபாகர் செக்கானூர் கதவணை மின்நிலையத்திற்கு விரைந்து சென்று பார்வையிட்டார். அதன்பின்னர் அவர் ஈரோடு மாவட்டத்தில் காவிரி ஆற்றங்கரையோர பகுதிகளான சின்னப்பள்ளம், நெரிஞ்சிப்பேட்டை, கோனேரிப்பட்டி ஆகிய இடங்களுக்கு சென்று நேரில் பார்வையிட்டார். நெரிஞ்சிப்பேட்டை கட்டளை கதவணையை பார்வையிட்ட கலெக்டர் பிரபாகர் காவிரி ஆற்றில் தண்ணீர் செல்லும் அளவு குறித்து அதிகாரிகளிடம் கேட்டறிந்தார்.

Pillayar Patti Lord Vinayagar temple | பிள்ளையார்பட்டி கற்பக மூர்த்தி விநாயகர் திருக்கோயில் வரலாறு

அம்மியில் அரைத்து, மசாலா உதிராமல் மீன் வறுவல் | Traditional Fish fry in tamil | Viraal meen varuval

How to Make Coconut Oil at Home| வீட்டிலேயே தேங்காய் எண்ணெய் தயாரிப்பது எப்படி| Homemade Coconut Oil

Nattu kozhi Pepper Fry in Tamil | நாட்டு கோழி மிளகு கறி | Chicken Pepper fry | Country Chicken Fry

Fish Manchurian recipe in Tami l மீன் மஞ்சுரியன் l How to make fish manchrian in Tamil|Fish Recipes

Chicken Popcorn Recipes in Tamil |சிக்கன் பாப்கார்ன்|Crispy Fried Chicken|Chicken Recipes in Tamil

இதை ஷேர் செய்திடுங்கள்: