தருமபுரி மாவட்டத்தில் மானாவாரி நிலத்தில் உழவர் உற்பத்தியாளர் நிறுவனங்களுக்கு ரூ.10 லட்சம் மானியம் கலெக்டர் கே.விவேகானந்தன் தகவல்

வெள்ளிக்கிழமை, 16 பெப்ரவரி 2018      தர்மபுரி

 

தருமபுரி மாவட்டத்தில் மானாவாரி நிலங்களை மேம்படுத்தி, வேளாண் உற்பத்தியைப் பெருக நீடித்த நிலையான மானாவாரி இயக்கம்" என்ற திட்டம் செயல்படுத்தப்படுகிறது.

ரூ.10 லட்சம் மானியம்

இத்திட்டத்தின் கீழ் தருமபுரி மாவட்டத்தில் 2016-2017 ஆண்டில் 10 மானாவாரி தொகுப்புகள் தலா 1000 ஹெக்டர் வீதம் அமைக்கப்பட்டு மொத்தம் 10,000 எக்டேர் மானாவாரி நிலத்தில் உள்ள விவசாயிகளுக்கு கோடை உழவு செய்ய எக்டருக்கு தலா ரூ. 1250 வீதம் மொத்தம் 1.25 கோடி ரூபாய் மானியம் வழங்கப்பட்டது. மேலும் நீர் மேலாண்மைப் பணிகளுக்கு 10 இடங்களில் செக்டேம்கள் ரூபாய் 50 லட்சம் மதிப்பீட்டில் கட்டப்பட்டுள்ளது.

 

நடப்பு 2017-18ஆம் ஆண்டில் இத்திட்டம் மேற்கொள்வதற்காக 28 மானாவாரி தொகுப்புகள் தேர்ந்தெடுக்கப்பட்டுள்ளன. இவை தருமபுரி வட்டாரத்தில் அதகபாடி, நூலஅள்ளி மற்றும் கோணங்கிநாயக்கனஅள்ளி தொகுப்புகளில் 3000 எக்டர் அளவிலும், நல்லம்பள்ளி வட்டாரத்தில்; பங்குநத்தம், இண்டூர், போலனஅள்ளி மற்றும் பாப்பாரப்பட்டி தொகுப்புகளில் 4000 எக்டர் அளவிலும், அரூர் வட்டாரத்தில் பொன்னேரி, அரூர், மதியம்பட்டி மற்றும் மருதிபட்டி தொகுப்புகளில் 4000 எக்டர் அளவிலும், மொரப்பூர் வட்டாரத்தில் தாளநத்தம், சந்தப்பட்டி மற்றும் கெலவள்ளி தொகுப்புகளில் 3000 எக்டர் அளவிலும், பாப்பிரெட்டிப்பட்டி வட்டாரத்தில் மெனசி மற்றும் பொம்மிடி தொகுப்புகளில் 2000 எக்டர் அளவிலும் மொத்தம் 28 தொகுப்புகளில் 28000 எக்டரில் இத்திட்டம் செயல்படுத்த திட்டமிடப்பட்டுள்ளது.

இத்திட்டத்தின் கீழ் மானாவாரிப் பகுதியில் செயல்படும் உழவர் உற்பத்தியாளர் நிறுவனங்கள் மதிப்புக்கூட்டிய பொருட்களை தயார் செய்யும் இயந்திரங்களை தொகுப்பாக வாங்கி தொழில் நிறுவன மையம் அமைக்கலாம். இம் மையம் அமைப்பதற்கு 10 இலட்சம் ரூபாய் வரை மானியம் வழங்கப்படுகிறது.

எனவே இத்திட்டத்தில் பயன்பெற ஆர்வமுள்ள உழவர் உற்பத்தியாளர் நிறுவனங்கள் அந்தந்த வட்டார வேளாண்மை உதவி இயக்குநர்கள் அல்லது செயற்பொறியாளர் வேளாண் பொறியியல் துறை ஆகியோரை அணுகுமாறு தருமபுரி கலெக்டர் கே.விவேகானந்தன்,., கேட்டுக்கொண்டுள்ளார்.

மதுரை ரிங்ரோட்டுக்காக இருபோக சாகுபடி நிலங்களை அழிக்கத் துடிக்கும் தேசிய நெடுஞ்சாலைத் துறை

Aval Ladoo Recipes in Tamil | அவல் லட்டு | Sweets Recipe in Tamil

Star Hotel Chicken Shami Kabab Recipe in Tamil | சிக்கன் ஷாமி கபாப் | Chicken Recipes

Star Hotel Coriander Chicken Recipe in Tamil| | கொத்தமல்லி சிக்கன்| Kothamalli Chicken | Chicken Recipe

Fish Manchurian recipe in Tami l மீன் மஞ்சுரியன் l How to make fish manchrian in Tamil|Fish Recipes

Madurai Special Kari Dosa Recipe in Tamil | மதுரை மட்டன் கறி தோசை | Mutton Kari Dosa | Keema Dosa

இதை ஷேர் செய்திடுங்கள்:

View all comments

வாசகர் கருத்து