தஞ்சாவூரில் தேசிய குடற்புழு நீக்க நாளை முன்னிட்டு மேற்கொள்ள வேண்டிய முன்னேற்பாடு பணிகள் குறித்த கூட்டம் : கலெக்டர் ஆ.அண்ணாதுரை தலைமையில் நடந்தது

செவ்வாய்க்கிழமை, 20 பெப்ரவரி 2018      தஞ்சாவூர்
thanjai

தஞ்சாவூர் மாவட்ட கலெக்டர் அலுவலக கூட்ட அரங்கில் சுகாதாரத் துறை சார்பில் தேசிய குடற்புழு நீக்க நாளை முன்னிட்டு மேற்கொள்ள வேண்டிய முன்னேற்பாடு பணிகள் தொடர்பாக மாவட்ட கலெக்டர் ஆ.அண்ணாதுரை, தலைமையில் ஆலோசனைக் கூட்டம் நேற்று (20.02.2018) நடைபெற்றது.

ஆலோசனை கூட்டம்

இக்கூட்டத்தில் மாவட்ட கலெக்டர் ஆ.அண்ணாதுரை, தெரிவித்ததாவது, நாடு தழுவிய குடற்புழு நீக்க நாளில் ஒரு வயது குழந்தையிலிருந்து 19வயது வரை உள்ள அனைவருக்கும் வருகின்ற பிப்ரவரி 26ம் தேதி (திங்கள் கிழமை), விடுபட்ட குழந்தைகளுக்கான சிறப்பு முகாம் மார்ச் 31ம் தேதி (வியாழக்கிழமை) ஆகிய தினங்களில் அனைத்து அரசு பள்ளிகள், அரசு சார்ந்த பள்ளிகள், தனியார் பள்ளிகள், மத்திய பாடத்திட்ட பள்ளிகள், மத்திய அரசு பள்ளி மற்றும் அங்கன்வாடி மையங்களில் குடற்புழு நீக்க மாத்திரை வழங்கப்படவுள்ளது.

½ (200 மில்லி கிராம்) மாத்திரை அல்லது 5 மில்லி அல்பெண்டசோல் திரவ மருந்து 1-2 வயதிற்குட்பட்ட குழந்தைகளுக்கும், 1 மாத்திரை (400 மில்லி கிராம்) அல்பெண்டசோல் 2-19 வயது வரை உள்ள அனைத்து குழந்தைகளுக்கும் (ஆண், பெண் இரு பாலருக்கும்) கொடுக்கப்படவேண்டும். அரசு மற்றும் அரசு உதவி பெறும் பள்ளிகளில் பயிலும் 3,46,731 மாணவ மாணவிகளுக்கும், தனியார் பள்ளிகளில் பயிலும் 2,06,982 மாணவ மாணவிகளுக்கும், அங்கன்வாடி மையங்களில் பயிலும் மற்றும் பள்ளி செல்லா 94,336 குழந்தைகளுக்கும் அங்கன்வாடி பணியாளர்கள் மற்றும் கிராம சுகாதார செவிலியர் மூலம் அங்கன்வாடி மையத்தில் வழங்கப்படும்.

நடவடிக்கை

ஆசிரியர் மற்றும் மாணவர்களிடையே குடற்புழுவினால் ஏற்படும் பாதிப்புகள், குடற்புழு நீக்குவதனால் ஏற்படும் நன்மைகள், குடற்புழு தடுப்பு வழிமுறைகள் ஆகியவற்றை எடுத்துக் கூறியும், தன்னார்வ தொண்டு நிறுவனங்கள், மகளிர் சுய உதவி குழுக்கள் ஆகியவற்றை இணைத்து குடற்புழு நீக்கும் பணியினை மேற்கொள்ள நடவடிக்கை எடுக்க வேண்டும் என மாவட்ட கலெக்டர் ஆ.அண்ணாதுரை, தெரிவித்தார். இக்கூட்டத்தில் சுகாதாரத்துறை துணை இயக்குநர் டாக்டர் சுப்ரமணியன், மாவட்ட முதன்மை கல்வி அலுவலர் சுபாஷினி, மாநகராட்சி நகர்நல அலுவலர் டாக்டர்.நமச்சிவாயம், வட்டார மருத்துவ அலுவலர்கள் மற்றும் அலுவலர்கள் கலந்து கொண்டனர்.

Pillayar Patti Lord Vinayagar temple | பிள்ளையார்பட்டி கற்பக மூர்த்தி விநாயகர் திருக்கோயில் வரலாறு

அம்மியில் அரைத்து, மசாலா உதிராமல் மீன் வறுவல் | Traditional Fish fry in tamil | Viraal meen varuval

How to Make Coconut Oil at Home| வீட்டிலேயே தேங்காய் எண்ணெய் தயாரிப்பது எப்படி| Homemade Coconut Oil

Nattu kozhi Pepper Fry in Tamil | நாட்டு கோழி மிளகு கறி | Chicken Pepper fry | Country Chicken Fry

Fish Manchurian recipe in Tami l மீன் மஞ்சுரியன் l How to make fish manchrian in Tamil|Fish Recipes

Chicken Popcorn Recipes in Tamil |சிக்கன் பாப்கார்ன்|Crispy Fried Chicken|Chicken Recipes in Tamil

இதை ஷேர் செய்திடுங்கள்:

View all comments

வாசகர் கருத்து