கேரள மாநில அ.தி.மு.க. நிர்வாகி ஷோபாகுமாரின் தந்தை மறைவு: இ.பி.எஸ். - ஓ.பி.எஸ். இரங்கல்

வெள்ளிக்கிழமை, 20 நவம்பர் 2020      தமிழகம்
EPS OPS 2020 11 08

Source: provided

சென்னை : கேரள மாநில அ.தி.மு.க. நிர்வாகியின் தந்தை மறைவுக்கு கட்சியின் ஒருங்கிணைப்பாளர்களான முதல்வர் எடப்பாடி பழனிசாமி, துணை முதல்வர் ஓ. பன்னீர் செல்வம் ஆகியோர் இரங்கல் தெரிவித்துள்ளனர். 

இது குறித்து அவர்கள் வெளியிட்டுள்ள இரங்கல் செய்தியில் கூறப்பட்டிருப்பதாவது, 

கேரள மாநில அ.தி.மு.க .செயலாளர் G. ஷோபாகுமாரின் தந்தை கோபிநாதன் நாயர் உடல்நலக்குறைவால் மரணமடைந்து விட்டார் என்ற செய்தி கேட்டு வருத்தமுற்றோம்.

பாசமிகு தந்தையை இழந்து வாடும் அன்பு சகோதரர் ஷோபகுமாருக்கும், அவரது குடும்பத்தினருக்கும் இந்த துயரத்தை தாங்கி கொள்ளக் கூடிய சக்தியையும், தைரியத்தையும் அளிக்க வேண்டும் என்றும் கோபிநாதன் நாயரின் ஆன்மா இறைவன் திருவடி நிழலில் அமைதி பெறவும் எல்லாம் வல்ல இறைவனை பிரார்த்திக்கிறோம்.

இவ்வாறு அந்த இரங்கல் செய்தியில் கட்சியின் ஒருங்கிணைப்பாளர்களான முதல்வர் எடப்பாடி பழனிசாமி, துணை முதல்வர் ஓ. பன்னீர் செல்வம் ஆகியோர் தெரிவித்துள்ளனர். 

இதை ஷேர் செய்திடுங்கள்:

View all comments

வாசகர் கருத்து