முக்கிய செய்திகள்
Idhayam Matrimony

கேந்திரிய வித்யாலயா பள்ளிகளில் 2-ம் வகுப்பு முதல் சேர இன்று கடைசி தேதி

புதன்கிழமை, 14 ஏப்ரல் 2021      இந்தியா
Image Unavailable

Source: provided

புதுடெல்லி : கேந்திரிய வித்யாலயா பள்ளிகளில் 2021- 22ஆம் கல்வி ஆண்டில் 2 மற்றும் அதற்கு மேற்பட்ட வகுப்புகளில் சேர விண்ணப்பிப்பதற்கு இன்று (ஏப்ரல் 15) கடைசித் தேதியாகும். இதற்கு கே.வி. இணையதளத்தில் உள்ள சேர்க்கை விதிமுறைகளைப் படித்து விட்டு, பள்ளிகளுக்கே நேரடியாகச் சென்று பதிவு செய்ய வேண்டும்,

தற்போது நாடு முழுவதும் 1,247 கேந்திரிய வித்யாலயா பள்ளிகள் இயங்கி வருகின்றன. மத்திய அரசின் கீழ் இந்தப் பள்ளிகள் இயங்கி வருகின்றன. இதற்கிடையே கே.வி. பள்ளிகளில் ஒன்றாம் வகுப்புக்கான விண்ணப்பப் பதிவு கடந்த 1-ம் தேதி தொடங்கி, நடைபெற்று வருகிறது. இதற்கு பெற்றோர்கள் கடந்த 19-ம் தேதி மாலை 7 மணி வரை https://kvsonlineadmission.kvs.gov.in என்ற இணையதளம் மூலமாகவும், ஆண்ட்ராய்ட் செல்பேசி செயலி வாயிலாகவும் பதிவு செய்யலாம். 

இந்நிலையில் இரண்டு மற்றும் அதற்கு மேற்பட்ட வகுப்புகளுக்கான விண்ணப்பப் பதிவு கடந்த 8-ம் தேதி தொடங்கியது. கே.வி. இணையதளத்தில் உள்ள சேர்க்கை விதிமுறைகளைப் படித்துவிட்டு, பள்ளிகளுக்கே நேரடியாகச் சென்று பெற்றோர்கள் பதிவு செய்து வருகின்றனர். காலியாக உள்ள இடங்களின் அடிப்படையில் பள்ளிகளில் இன்று (15.04.2021) மாலை 4 மணி வரை விண்ணப்பப் பதிவு நடைபெறும். வரும் 19-ம் தேதி மாலை 4 மணிக்குத் தேர்வு செய்யப்பட்ட மாணவர்களின் பட்டியல் வெளியாகும். வரும் 20-ம் தேதி முதல் 27-ம் தேதி வரை இவர்களுக்கான மாணவர் சேர்க்கை நடைபெறும். 

2 முதல் 8-ம் வகுப்பு வரையான மாணவர் சேர்க்கைக்கு எவ்வித நுழைவுத் தேர்வும் நடத்தப்படாது. முன்னுரிமை அடிப்படையில் மாணவர் சேர்க்கை நடைபெறும். மாணவர் இடங்களைவிட விண்ணப்பங்கள் அதிகமாக வந்தால் குலுக்கல் முறையில் மாணவர்களுக்கான இடங்கள் தேர்வு செய்யப்படும்.  9-ம் வகுப்புக்கான மாணவர் சேர்க்கைக்கு நுழைவுத் தேர்வு நடத்தப்படும். அதில் மாணவர்கள் பெறும் மதிப்பெண்களின் அடிப்படையில் இடங்கள் வழங்கப்படும். இந்தி, ஆங்கிலம், கணிதம், அறிவியல், சமூக அறிவியல் பாடங்களில் தலா 20 மதிப்பெண்கள் என மொத்தம் 100 மதிப்பெண்களுக்கு ஒரு தேர்வு நடத்தப்படும். ஒவ்வொரு பாடத்திலும் மாணவர்கள் குறைந்தபட்சமாக 33 சதவீத மதிப்பெண்களைப் பெற்றிருக்க வேண்டியது அவசியம்.

10-ம் வகுப்புத் தேர்வு முடிவுகள் வெளியான பிறகு, 11-ம் வகுப்புக்கு மாணவர் சேர்க்கை நடைபெறும் என்று தெரிவிக்கப்பட்டுள்ளது. 2021-22ஆம் ஆண்டுக்கான மாணவர் சேர்க்கை அட்டவணையின்படி https://kvsangathan.nic.in/ என்ற இணையதளத்தில் 11-ம் வகுப்பில் சேர்வதற்கான படிவங்களைத் தரவிறக்கம் செய்து கொள்ளலாம். மேலும் கூடுதல் விவரங்களுக்கு: https://kvsangathan.nic.in/ என்ற இணையதளத்தில் தெரிந்து கொள்ளலாம் என கூறப்பட்டுள்ளது. 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 1 month ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 1 month ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 2 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 2 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 4 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 4 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.