துரிதம் விமர்சனம்

வெங்கடேசன் இயக்கத்தில் ஜெகன், ஈடன் உள்ளிட்டோர் நடிப்பில் தற்போது வெளியாகி இருக்கும் படம் துரிதம். சென்னையில் வாடகை கார் ஓட்டுனரான ஜெகன், அவரது காரில் தினமும் அலுவலகம் செல்லும் நாயகி ஈடனை ஒரு தலையாக காதலிக்கிறார். தந்தையின் நிர்ப்பந்தத்தினால் வேலையை ராஜினாமா செய்துவிட்டு ஊருக்கு கிளம்ப தயாராகிறார் ஈடன். கடைசியாக அவரிடம் காதலை சொல்லி விட வேண்டும் என்ற ஜெகனின் முயற்சி தோல்வியில் முடிகிறது. இந்த நிலையில் ரெயிலை தவற விடுகிறார் ஈடன். இதனால் ஜெகனுடன்  பைக்கிலேயே செல்ல வேண்டிய நிர்பந்தம் ஏற்படுகிறது. வழியில் பைக் பழுதாகி நிற்க, காரில் லிப்ட் கேட்கிறார் நாயகி, அப்போது ஒரு கார் நின்று ஈடனை மட்டும் ஏற்றிக் கொண்டு பறக்கிறது. ஈடனை ஜெகன் கண்டுபிடித்தாரா? காதல் என்ன ஆனது என்பதே மீதி கதை… அதிரடியாகவும், அன்பாகவும் அசத்தியிருக்கிறார் நாயகன் ஜெகன், நாயகி ஈடனுக்கு கனமான பாத்திரம், பால சரவணன் நகைச்சுவை ஏரியாவை கலகலப்பாக வைத்துள்ளார். வாசன் மற்றும் அன்புவின் ஒளிப்பதிவு காட்சிகளும் நரேஷின் பின்னணி இசையும் கதையோடும் நம்மை ஒன்றி போக வைக்கிறது. மொத்தத்தில் பயணத்தை கதைக்களமாக வைத்து ஒரு காதல் கதையை அழகாக செதுக்கியுள்ளார் இயக்குனர் வெங்கடேசன்.