செப்.19 முதல் ஜியோ ஏர்ஃபையர் சேவை

மும்பை, இந்தியாவின் மிகப் பெரிய தொலைத்தொடர்பு நிறுவனமான ரிலையன்ஸ் ஜியோ செப்.19 முதல் ஜியோ ஏர்ஃபையர் சேவையை அறிமுகப்படுத்த உள்ளதாக அந்த நிறுவனத்தின் தலைவர் முகேஷ் அம்பானி தெரிவித்தார். 

ரிலையன்ஸ் இண்டஸ்ட்ரீஸ் குழுமத்தின் 46வது வருடாந்திரக் கூட்டம் நேற்று நடைபெற்றது. இந்த கூட்டத்தில் முகேஷ் அம்பானி பல்வேறு முக்கிய அறிவிப்புகளை வெளியிட்ட நிலையில், ஜியோ ஏர்ஃபையர் சேவை குறித்தும் தெரிவித்தார். இந்த திட்டத்திற்கான அறிமுக பணிகளை பல மாதங்களாக செய்துவந்த நிலையில் செப்டம்பர் 19-ம் தேதி விநாயகர் சதுர்த்தி தினத்தில் அறிமுகப்படுத்தப்பட உள்ளது. ஜியோ ஏர்ஃபைபர் 5ஜி பிராண்ட்பேன்ட் சேவை அடுத்த 2 வருடத்தில் 200 மில்லியன் வீடுகளில் இணைக்கப்பட உள்ளது.  நிறுவனங்களுக்கு மட்டும் அளித்துவந்த ஜியோ ஏர்ஃபையர் திட்டம் தற்போது வீடுகளுக்கும் ஜியோ ஸ்மார்ட்ஹோம் சேவை வழங்க உள்ளது.