புதுடெல்லி : இஸ்ரேலுக்கும் ஹமாஸ் குழுவினருக்கும் இடையேயான போர் தீவிரமடைந்துள்ள நிலையில், பாலஸ்தீனத்துக்கான இரண்டாவது தொகுதி உதவி பொருட்களை இந்தியா நேற்று அனுப்பி வைத்தது. இதனை வெளியுறவுத் துறை அமைச்சர் உறுதி செய்துள்ளார்.

இது குறித்து இந்திய வெளியுறவுத்துறை அமைச்சர் ஜெய்சங்கர் தனது டுவிட்டர் பக்கத்தில் வெளியிட்டுள்ள பதிவில், 

பாலஸ்தீன மக்களுக்கான மனிதாபிமான உதவிகளை நாம் தொடந்து வழங்கி வருகிறோம். இரண்டாவது ஏ.ஐ.எப்-எம்.சி.சி. சி17 விமானம் 32 டன் உதவிப் பொருள்களை ஏற்றிக் கொண்டு எகிப்தின் எல்-அரிஷ் விமான நிலையத்துக்கு புறப்பட்டுச் சென்றது என்று தெரிவித்துள்ளார்.

முன்னதாக, இந்தியா, மருந்துகள் மற்றும் பேரிடர் நிவாரணப் பொருள்கள் உள்ளிட்ட பாலஸ்தீன மக்களுக்கான மனிதாபிமான அடிப்படையிலான தனது முதல் தொகுதி உதவி பொருட்களை அக்டோபர் 22-ம் தேதி அனுப்பி வைத்தது குறிப்பிடத்தக்கது.