முக்கிய செய்திகள்
Idhayam Matrimony

டெல்லியில் 70 சதவீதம் பால் கலப்படம் என கண்டுபிடிப்பு

புதன்கிழமை, 11 ஜனவரி 2012      இந்தியா
Image Unavailable

 

புதுடெல்லி, ஜன.11 -  டெல்லியில் மொத்தம் விற்பனை செய்யப்படும் பாலின் அளவில் 70 சதவீதம் பால் கலப்படமானது என்று அரசு ஏஜென்சிகளாலேயே கண்டறியப்பட்டுள்ளது. உடல் ஆரோக்கியத்திற்காக குழந்தைகள் முதல் பெரியவர்கள் வரை எல்லோருமே பால் சாப்பிடுவது வழக்கம். ஆனால் அந்த பாலில் கலப்படம் இருப்பது பலருக்கும் தெரிவதில்லை. டெல்லியில் பல்வேறு இடங்களில் விற்பனை செய்யப்பட்ட பால்களில் 71 மாதிரிகள் ஆய்வுக்கு எடுத்துக்கொள்ளப்பட்டன. இவற்றில் 50 மாதிரிகள் தரமற்ற பால் என்றும், இவற்றில் குளுக்கோஸ் மற்றும் பால் பவுடர் கலக்கப்பட்டிருந்ததும் கண்டறியப்பட்டது. பொதுவாக பால் பவுடர் என்பது பால் பற்றாக்குறை ஏற்படும் காலத்தில் பாலுக்கு பதிலாக பயன்படுத்தப்படுவது வழக்கம். ஆனால் இந்த பால் பவுடரை பாலாக்கி அதை நல்ல பாலோடு கலந்து விற்பது இதன் மூலம் தெரியவந்தது. அதுமட்டுமல்லாமல் மற்றொரு அதிர்ச்சி தரக்கூடிய கலப்படமும் பாலில் செய்யப்பட்டு வந்ததும் கண்டுபிடிக்கப்பட்டது. சலவை சோப்பு தயாரிப்பில் பயன்படுத்தப்படும் ஒரு பொருள், கொழுப்பு, யூரியா போன்றவையும்கூட கலப்பட பாலில் இருந்ததும் இந்த ஆய்வில் தெரியவந்தது. இதுமட்டுமல்லாமல் பாரம்பரியமாக நமது நாட்டில் பாலில் தண்ணீரை ஊற்றி கலப்படம் செய்வதும் இந்த ஆய்வில் தெரியவந்தது. இந்த சோதனைகளின் அடிப்படையில் பார்க்கும்போது 68.4 சதவீத மாதிரிகள் கலப்படமான பால் என்று கண்டறியப்பட்டது. 

நாட்டிலேயே கோவா, பாண்டிச்சேரி ஆகிய மாநிலங்களில்  100 சதவீதம் சுத்தமான பால் விற்கப்படுகிறது என்பதும் இந்த ஆய்வில் தெரியவந்தது. தமிழ்நாட்டில் 88 சதவீதம் பால் தரமானதாக விற்பனை செய்யப்பட்டு வருகிறது என்றும் அந்த ஆய்வில் தெரிவிக்கப்பட்டுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago