கருணாநிதி பிறந்தநாள் விழாவில் பங்கேற்க நிதிஷ், லல்லு சம்மதம்

சனிக்கிழமை, 6 மே 2017      அரசியல்
karunanidhi(N)

சென்னை  - தி.மு.க தலைவர் கருணாநிதியின் 94-வது பிறந்தநாள் விழாவில் கலந்து கொள்வதற்கு ராஷ்டிரீய ஜனதா தள கட்சித் தலைவர் லல்லு பிரசாத் யாதவ், பிகார் முதல்வர் நிதிஷ் குமார் ஆகியோர் சம்மதம் தெரிவித்துள்ளனர்.  ஜனாதிபதி தேர்தல் ஜூலை மாதம் நடைபெறவுள்ள நிலையில் பாஜகவுக்கு எதிராக வலுவான அரசியல் சக்தியைத் திரட்ட நிதிஷ் குமாரும், லல்லு பிரசாத் யாதவும் முயற்சித்து வருகின்றனர். இந்நிலையில், கருணாநிதியின் பிறந்தநாளில் கலந்து கொள்வதன் மூலம் பாஜகவுக்கு எதிராக அரசியல் சக்தி இருக்கிறது என்பதை உணர்த்த லல்லு - நிதிஷ் திட்டமிடப்பட்டிருப்பதாக அரசியல் விமர்சகர்கள் தெரிவித்துள்ளனர்.  இதன் அடிப்படையிலேயே விழாவில் பங்கேற்க இருவரும் இசைவு தெரிவித்திருப்பதாகக் கூறப்படுகிறது. முன்னதாக, கருணாநிதி பிறந்தநாள் விழாவில் பங்கேற்பதற்காக லல்லு பிரசாத் யாதவை நேரில் சென்று சந்தித்து அழைப்பு விடுத்தார் திமுக மாநிலங்களவை உறுப்பினர் கனிமொழி. அதனை லல்லுவும் ஏற்றுக்கொண்டதாக ஆர்ஜேடி கட்சி வட்டாரம் தெரிவித்துள்ளது.

உடற்பயிற்சியும் ஆரோக்கியமும் | என்றும் 16 | THINABOOMI

இழந்த சொத்து, பதிவி ஆகிவற்றை மீட்டு தரும் ஸ்ரீ ராமநவமி வழிபாடு | PARIGARA STHALANGAL | THINABOOMI

FIR முதல் தகவல் அறிக்கை பதிவு செய்வது எப்படி | How to file FIR | Indian Law | Thinaboomi

இதை ஷேர் செய்திடுங்கள்: