ஏர்டெல் நிகர லாபம் சரிவு

பார்தி ஏர்டெல் நிறுவனத்தின் மார்ச் காலாண்டு நிகர லாபம் 78 சதவீதம் சரிந்து ரூ.83 கோடியாக இருக்கிறது. கடந்த ஆண்டு இதே காலத்தில் ரூ.373 கோடி அளவுக்கு நிகர லாபம் இருந்தது. போட்டி நிறுவனங்கள் மற்றும் சர்வதேச கட்டண குறைப்பு காரணமாக நிகர லாபம் கடுமையாக சரிந்திருக்கிறது.

இதேபோல நிறுவனத்தின் மொத்த வருமானம் 10.5 சதவீதம் சரிந்து ரூ.19,634 கோடியாக இருக்கிறது. கடந்த ஆண்டு இதே காலத்தில் ரூ.21,935 கோடியாக இருந்தது. தொலைபேசி அழைப்புகளின் கட்டணம் செயற்கையாக குறைக்கப்பட்டிருக்கிறது என பார்தி ஏர்டெல் நிறுவனத்தின் இந்தியா மற்றும் தெற்காசிய தலைமைச் செயல் அதிகாரி கோபல் விட்டல் தன்னுடைய அறிக்கையில் தெரிவித்திருக்கிறார். ஒட்டுமொத்த நிதி ஆண்டில் நிறுவனத்தின் நிகர லாபம் ரூ.1,099 கோடியாக இருக்கிறது.