முக்கிய செய்திகள்
Idhayam Matrimony

போலீஸ் சீருடையில் ஓட்டலில் புகுந்து பயங்கரவாதிகள் தாக்குதல்: 5 பேர் பலி

புதன்கிழமை, 11 டிசம்பர் 2019      உலகம்
Image Unavailable

மொகடிஷு : சோமாலியா தலைநகரில் போலீஸ் சீருடையில் ஓட்டலுக்குள் புகுந்து பயங்கரவாதிகள் தாக்குதல் நடத்தியதில் 5 பேர் உயிரிழந்தனர்.

சோமாலியா தலைநகர் மொகடிஷுவில் எஸ்.ஒய்.எல் என்ற பிரபல ஓட்டல்  உள்ளது. இங்கு அரசியல் தலைவர்கள், ராணுவ அதிகாரிகள் மற்றும் தூதரக அதிகாரிகள் பல்வேறு பிரபலங்கள் வருவது வழக்கம். நேற்று முன்தினம் வழக்கம் போல் ஏராளமான வாடிக்கையாளர்களுடன் ஓட்டல் பரபரப்பாக இருந்தது. அப்போது போலீஸ் சீருடையில் வந்த 5 பயங்கரவாதிகள், ஓட்டலில் இருந்தவர்களை சிறைபிடித்து, கையெறி குண்டுகளை வீசி வெடிக்கச் செய்து மிரட்டினர். இதனால் அங்கு திடீர் பதற்றம் ஏற்பட்டது. இதுபற்றி தகவல் அறிந்த பாதுகாப்பு படையினர் ஓட்டலை சுற்றி வளைத்து பயங்கரவாதிகளை நோக்கி தாக்குதல் நடத்தினர். பயங்கரவாதிகளும் பதிலுக்கு துப்பாக்கி சூடு நடத்தினர். இருதரப்பினருக்குமிடையே பல மணி நேரம் துப்பாக்கி சண்டை நடைபெற்றது. இதன் முடிவில் 5 பயங்கரவாதிகளையும் பாதுகாப்பு படையினர் சுட்டுக் கொன்றனர். பொதுமக்கள் தரப்பில் 3 பேரும், பாதுகாப்பு படை தரப்பில் 2 வீரர்களும் உயிரிழந்தனர். சிலர் காயமடைந்தனர். சுமார் 80 பேர் எந்த ஆபத்துமின்றி பத்திரமாக மீட்கப்பட்டனர். இந்த தாக்குதலுக்கு அல் ஷபாப் அமைப்பு பொறுப்பேற்றுள்ளது. அல்-கொய்தாவுடன் இணைந்த அல் ஷபாப் அமைப்பானது, 2011-ல் சோமாலிய தலைநகரிலிருந்து வெளியேற்றப்பட்டது. ஆனால் கிராமப்புறங்களின் சில பகுதிகளை இன்னும் அந்த அமைப்பு தனது கட்டுப்பாட்டில் வைத்திருப்பதுடன், தலைநகரில் அவ்வப்போது தாக்குதல்களை நடத்தி வருவது குறிப்பிடத்தக்கது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 months ago
View all comments

வாசகர் கருத்து