முக்கிய செய்திகள்
Idhayam Matrimony

அ.தி.மு.க.வில் இருந்து மீண்டும் பாரதீய ஜனதாவில் இணைந்தார் முன்னாள் எம்.பி. மைத்ரேயன்

வெள்ளிக்கிழமை, 9 ஜூன் 2023      இந்தியா
Maitreyan 2023 06 09

Source: provided

புதுடெல்லி : அ.தி.மு.க.வின் முன்னாள் மாநிலங்களவை உறுப்பினரான மைத்ரேயன், மீண்டும் பா.ஜ.க.வில் இணைந்துள்ளார்.

1991-ல் பா.ஜ.க.வில் இணைந்த மைத்ரேயன், அக்கட்சியின் செயற்குழு உறுப்பினராகவும், மாநில துணைத் தலைவராகவும் இருந்தவர். கடந்த 1999-ம் ஆண்டு பா.ஜ.க.வில் இருந்து அ.தி.மு.க.வில் இணைந்த மைத்ரேயன், 2001-ம் ஆண்டு நடைபெற்ற சட்டசபை தேர்தலில் சென்னை மைலாப்பூர் சட்டமன்றத் தொகுதியில் போட்டியிட்டார். இந்த தேர்தலில், இவரை எதிர்த்துப் போட்டியிட்ட அப்போதைய பா.ஜ.க. மாநில தலைவர் லட்சுமணன் வெற்றி பெற்றார்.

இதையடுத்து 2002-ம் ஆண்டு அ.தி.மு.க. சார்பில் மைத்ரேயன் மாநிலங்களவை உறுப்பினராக நியமிக்கப்பட்டார். தொடர்ந்து 3 முறை மாநிலங்களவை உறுப்பினராகத் தேர்வு செய்யப்பட்ட மைத்ரேயன், 2019-ம் ஆண்டு வரை அப்பொறுப்பில் இருந்தார். அ.தி.மு.க.வில் முன்னாள் முதல்வர் ஓ. பன்னீர் செல்வம் தரப்பில் இருந்த அவர், பின்னர், எடப்பாடி பழனிசாமியின் தரப்புக்கு ஆதரவு தெரிவித்தார். அதன் பிறகு ஓ. பன்னீர் செல்வத்தை சந்தித்ததன் காரணமாக கடந்த 2022-ம் ஆண்டு அவரை கட்சியில் இருந்து நீக்கினார் எடப்பாடி பழனிசாமி.

அதன் பிறகு ஓ.பன்னீர் செல்வம் தரப்பில் ஆதரவாளராக இருந்து வந்த மைத்ரேயன், பா.ஜ.க.வில் இணையப் போவதாக கடந்த சில மாதங்களாக செய்தி வெளியானது. இந்நிலையில், டெல்லியில் பா.ஜ.க. தேசிய பொதுச் செயலாளர் அருண் சிங் முன்னிலையில், மைத்ரேயன் பா.ஜ.க.வில் இணைந்தார். அவருக்கு பூங்கொத்து கொடுத்து பா.ஜ.க. தலைவர்கள் வாழ்த்து தெரிவித்தனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 2 weeks 1 day ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 1 month 1 week ago தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 1 month 1 week ago
மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 2 months 1 week ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 2 months 1 week ago இரத்தத்தை சுத்தம் செய்து சுறுசுறுப்பாக்க - சித்த மருத்துவ குறிப்புக்கள் | இரத்தம் சுத்தமாக | ரத்த சோகை | புதிய ரத்தம் உருவாக | இரத்தத்தை சுத்தப்படுத்த 2 months 1 week ago
View all comments

வாசகர் கருத்து