இரவின் விழிகள் இசை வெளியீட்டு விழா

மகேந்திரா ஃபிலிம் ஃபேக்டரி சார்பில் மகேந்திரன் தயாரிப்பில் உருவாகும் படம் ‘இரவின் விழிகள்’. கதையின் நாயகனாக மகேந்திரா நடித்திருக்கும் இந்தப்படத்தை சிக்கல் ராஜேஷ் இயக்கியுள்ளார். கன்னட நடிகையான நீமாரே இதில் கதாநாயகியாக நடித்திருக்கிறார். மேலும் நிழல்கள் ரவி, அஸ்மிதா, கும்தாஜ், சேரன் ராஜ் உள்ளிட்ட பலர் நடித்துள்ளனர். ஏ.எம் அசார் இசையமைத்துள்ள இந்த படத்தின் டிரைலர் மற்றும் இசை வெளியீட்டு விழா சமீபத்தில் நடைபெற்றது. விழாவில் தயாரிப்பாளரும் நாயகனுமான மகேந்திரன் பேசும்போது, “வேறு ஒரு தயாரிப்பு நிறுவனத்தில் நடிப்பதற்காகத்தான் என்னை அழைத்தார் இயக்குநர் ராஜேஷ். ஆனால் படத்தின் கதையைக் கேட்டதும் நானே தயாரிக்கிறேன் எனக் கூறிவிட்டேன். நீங்களே ஹீரோவாக நடியுங்கள் என்று கூறினார். நான் மறுத்தேன். ஆனால் நான் கஷ்டப்பட்டதை விட அவர் கஷ்டப்பட்டது தான் அதிகம். மக்களுக்கு  விழிப்புணர்வு கொடுக்கும் விதமாகத்தான் இந்த படம் உருவாக்கப்பட்டுள்ளது. ராஜேஷ் என்னிடம் இந்த கதையை சொல்லும்போது இந்த படம் ஒரு விதையாக விதைக்கப்பட்டு இருந்தது. அதை நான் செடியாக மாற்றி இருக்கிறேன். அதை மரமாக்கி அதன் பழத்தை சாப்பிடுவதற்கு பத்திரிக்கையாளர்கள் உறுதுணையாக இருக்குமாறு கேட்டுக்கொண்டார்.