முக்கிய செய்திகள்
Idhayam Matrimony

பிரதமர் கோரிக்கையை ஏற்க பாபா ராம்தேவ் மறுப்பு

வியாழக்கிழமை, 2 ஜூன் 2011      ஆன்மிகம்
Image Unavailable

 

புது டெல்லி,ஜூன்.2 - ஊழல் மற்றும் கறுப்பு பணத்துக்கு எதிராக டெல்லியில் வரும் 4 ம் தேதி முதல் உண்ணாவிரதம் இருக்கப் போவதாக யோகா குரு பாபா ராம்தேவ் அறிவித்துள்ளார். அவரது போராட்டத்துக்கு நாடெங்கும் லட்சக்கணக்கான மக்கள் ஆதரவு தெரிவித்துள்ளனர். இதனால் ஊழலுக்கு எதிராக இந்தியா முழுவதும் மீண்டும் ஒரு விழிப்புணர்வு எழுச்சி ஏற்படலாம் என்று கூறப்படுகிறது. 

ஊழலுக்கு எதிரான மக்கள் கிளர்ச்சி அதிகமானால் அது கட்டுப்படுத்த முடியாத அளவுக்கு மாறி விடக் கூடாதே என்று பிரதமர் மன்மோகன்சிங் பயப்படுகிறார். மத்திய மந்திரி கமல்நாத்தை அனுப்பி அவர் ராம்தேவ்வை சமரசம் செய்தார். ஆனால் அந்த முயற்சிக்கு வெற்றி கிடைக்கவில்லை. 

இதையடுத்து பிரதமர் நேற்று முன்தினம் ராம்தேவுக்கு ஒரு கடிதம் அனுப்பினார். அதில் அவர் ஊழலை ஒழிக்க அரசு பல நடவடிக்கைகளை எடுத்து வருகிறது. எனவே உண்ணாவிரதத்தை கைவிடுங்கள் என்று கோரிக்கை விடுத்திருந்தார். ஆனால் பிரதமரின் கோரிக்கையை ராம்தேவ் மறுத்து விட்டார். திட்டமிட்டபடி 4 ம் தேதி உண்ணாவிரதம் தொடங்கும் என்று அவர் அறிவித்துள்ளார். ராம்தேவ் உண்ணாவிரதப் போராட்டத்துக்கு பா.ஜ.க ஆதரவு தெரிவித்துள்ளது. 

இதற்கிடையே ராம்தேவுடன் பிரதமர் மன்மோகன்சிங் பேச்சு நடத்த வேண்டும் என்று பா.ஜ.க தலைவர் கட்காரி கூறியுள்ளார். இது தொடர்பாக அவர் பிரதமருக்கு எழுதியுள்ள கடிதத்தில் இந்திய வரி ஏய்ப்பாளர்கள் அயல்நாடுகளில் பதுக்கி வைத்துள்ள கறுப்பு பணத்தை உடனே அரசு பறிமுதல் செய்ய வேண்டும் என வலியுறுத்தி வருகிற 4 ம் தேதி யோகா குரு ராம்தேவ் டெல்லியில் சாகும் வரை உண்ணாவிரதம் மேற்கொள்ளவிருக்கிறார். அவரின் இந்த நியாயமான கோரிக்கையை மத்திய அரசு ஏற்றுக் கொள்ள வேண்டும். அவருடன் உடனே அர்த்தமுள்ள பேச்சுவார்த்தை நடத்த வேண்டும். 

ஐக்கிய முற்போக்கு கூட்டணி பதவியேற்றதும் ஊழல், கறுப்பு பணம் குறித்த பிரச்சினையை 100 நாட்களுக்குள் எடுத்து முறையாக கையாளும் என்று வாக்குறுதி அளித்தது. ஆனால் இதுவரை இந்த விஷயத்தில் எந்தவிதமான முன்னேற்றமும் இல்லை. இது குறித்து பொதுவான எதிர்பார்ப்பு உள்ளது. எனவே மத்திய அரசு ராம்தேவுடன் உடனே பேச்சுவார்த்தையில் இறங்கி அவரின் நியாயமான கோரிக்கைகளை ஏற்றுக் கொள்ள வேண்டும் என்று நிதின் கட்காரி அந்த கடிதத்தில் கூறியுள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 8 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 8 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 9 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 9 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 11 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 11 months ago
more

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.