ஆகஸ்ட் 26 ல் வெளியாகும் நெடுநீர்

கவின் கிரியேட்டர்ஸ் சார்பில் வி.எஸ்..பாளையம் எஸ்.கிருஷ்ணமூர்த்தி தயாரிப்பில் கு.கி.பத்மநாபன் இயக்கியுள்ள படம் நெடுநீர். இப்படத்தின் இசை வெளியீட்டு விழா சமீபத்தில் நடைபெற்றது. விழாவில் பேசிய இயக்குனர், பதின் பருவ சிறுவனும், சிறுமியும் சூழலால் துரத்தப்பட்டு தமது சொந்த கிராமத்தை விட்டு வெளியேறுகின்றனர். எங்கு செல்வது என எந்த இலக்குமின்றி பயணிக்கின்றனர். இந்நிலையில் ஒரு நாள் நள்ளிரவில் இருவரும் பிரிய நேர்கிறது. எட்டு வருடங்கள் கழித்து மருத்துவ உதவியாளராக அந்த பெண்ணும் அடியாளாக அவனும் சந்திக்கிறார்கள். இனி என்ன ஆகும் என்பதே படத்தின் கதை என்று கூறினார். முழுக்க முழுக்க ஆக்ஷ்ன் படமாகவே அமைந்துள்ள இப்படத்தில் 4 பாடல்களும், 6 சண்டைக்காட்சிகளும் இடம்பெற்றுள்ளன. இப்படத்தில் புதுமுக நட்சத்திரங்கள் இடம் பெற்றிருந்தாலும் அவர்களுக்கு போதிய நடிப்பு பயிற்சி அளித்து படப்பிடிப்பை நடத்தி முடித்துள்ளனர். இதன் படப்பிடிப்பு பாண்டிச்சேரி கன்னியக்கோயில் பகுதி, கடலூர் துறைமுகம், கடலூரின் கடலோர கிராமங்கள் மற்றும் வி.எஸ்.பாளையம் போன்ற இடங்களில் 51 நாட்களில் படப்பிடிப்பு நடைபெற்றிருக்கிறது. படத்தின் மக்கள் தொடர்பு வெங்கட்.