முக்கிய செய்திகள்
Idhayam Matrimony

அடுத்த 2 மாதங்களில் வெப்பநிலை அதிகரிக்கும் : இந்திய வானிலை ஆய்வு மையம் எச்சரிக்கை

ஞாயிற்றுக்கிழமை, 3 மார்ச் 2024      இந்தியா
SUN 2023-02-28

Source: provided

திருவனந்தபுரம் : வரும் ஏப்ரல், மே மாதங்களில் இயல்பை விட வெப்பம் சுட்டெரிக்கும் என்று இந்திய வானிலை ஆய்வு மையம் எச்சரிக்கை விடுத்துள்ளது.

கோடை காலம் தொடங்குவதற்கு முன்னதாக கேரள மாநிலத்தில் பல மாவட்டங்களில் கடந்த மாதமே வெயில் சுட்டெரிக்க தொடங்கி விட்டது. வெயிலின் தாக்கம் அதிகமாக இருக்கும் மாவட்டங்களின் விவரங்களை தெரிவித்து, அந்த மாவட்டத்தில் உள்ள மக்கள் முன்னெச்சரிக்கையுடன் இருக்க அறிவுறுத்தப்பட்டு வருகின்றனர். இந்நிலையில் கேரள மாநிலத்தில் வருகிற ஏப்ரல் மற்றும் மே மாதங்களில் வெப்பநிலை இயல்பைவிட அதிகமாக இருக்கும் என்று இந்திய வானிலை ஆய்வு மையம் கணித்துள்ளது. மேலும் நடப்பு மாதத்தில் நாட்டிலேயே அதிகபட்ச வெப்பம் கேரளாவில் பதிவாகும் என்று எதிர்பார்க்கப்படுவதாகவும் இந்திய வானிலை ஆய்வு மையம் தெரிவித்துள்ளது.

இதற்கிடையே சென்னை வானிலை ஆய்வு மையம் வெளியிட்டுள்ள செய்திக்குறிப்பில், வரும் 09.03.2024 வரை: தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும். 05.03.2024 வரை; தமிழகத்தில் ஓரிரு இடங்களில் அதிகபட்ச வெப்பநிலை இயல்பை விட 2 முதல் 3 டிகிரி செல்சியஸ் அதிகமாக இருக்கக்கூடும். சென்னை மற்றும் புறநகர் பகுதிகளில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 33-34 டிகிரி செல்சியஸை ஒட்டியும், குறைந்தபட்ச வெப்பநிலை 24-25 டிகிரி செல்சியஸை ஒட்டியும் இருக்கக்கூடும். மீனவர்களுக்கான எச்சரிக்கை: ஏதுமில்லை. என தெரிவிக்கப்பட்டுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து