பீகாரில் மேற்கொள்ளப்பட்ட எஸ்.ஐ.ஆர். பணி: வெற்றிகரமாக நிறைவடைந்ததற்கு தலைமை தேர்தல் ஆணையர் நன்றி

பாட்னா : பீகாரில் மேற்கொள்ளப்பட்ட வாக்காளர் பட்டியல் சிறப்பு தீவிர திருத்தம் (எஸ்.ஐ.ஆர்.) பணி வெற்றிகரமாக நிறைவடைந்ததற்கு தலைமைத் தேர்தல் ஆணையர் ஞானேஷ் குமார் நன்றி தெரிவித்தார்.

பாட்னாவில் தலைமைத் தேர்தல் ஆணையர் ஞானேஷ் குமார் நேற்று (அக். 5) செய்தியாளர்களுடன் பேசினார். பீகார் தேர்தல் குறித்து அவர் பேசியதாவது: “அண்மையில், பீகாரில் வாக்காளர் பெயர்ப்பட்டியல் திருத்தப்பணிகள் மேற்கொள்ளப்பட்டன. பூத் நிலை அதிகாரிகள் அதில் ஈடுபட்டனர். அவர்கள் தங்களுக்கு ஒதுக்கப்பட்ட பூத் அளவிலான வாக்காளர்கள் பட்டியல் சரிபார்ப்பு அப்ணிகளை மேற்கொண்டனர்.

இதற்காக 90,217 அதிகாரிகள் ஈடுபடுத்தப்பட்டனர். பீகார் அதிகாரிகளின் இந்த வாக்காளர் திருத்தப் பணி நாட்டின் பிற பகுதிகளுக்கும் உத்வேகம் அளிக்கும். வாக்காளர்களுக்கு பாராட்டுகளைத் தெரிவிக்கிறோம். பீகாரில் மேற்கொள்ளப்பட்ட வாக்காளர் பட்டியல் சிறப்பு தீவிர திருத்தம் (எஸ்.ஐ.ஆர்.) பணி வெற்றிகரமாக நிறைவடைந்ததற்கு உங்கள் ஒவ்வொருவருக்கும் நன்றி.

பீகாரில் உள்ள அனைத்து வாக்காளர்களும் சத் பூஜையை கொண்டாடுவது போலவே அதே உர்சாகத்துடன் இந்த ஜனநாயக திருவிழாவை கொண்டாடுமாறு கேட்டுக்கொள்கிறேன். ஒவ்வொருவரும் வாக்கு செலுத்த வேண்டும்; அதன்மூலம் தஙக்ள் பங்களிப்பை உருதி செய்யவும்” என்றார்.