நெடுஞ்சாலைதுறை சார்பில் நாட்டு மரங்கள் நடும் பணித் துவக்கம்

ஞாயிற்றுக்கிழமை, 25 டிசம்பர் 2016      காஞ்சிபுரம்
kanchi

காஞ்சிபுரம் மாவட்டத்தில் அண்மையில் ஏற்பட்ட வர்தா புயல் பல்வேறு பகுதிகளில் பலமாக தாக்கியது. இதில் காஞ்சிபுரம் மாவட்டத்தில் மட்டும் சுமார் ஒன்னரை லட்சத்திற்கும் மேலான மரங்கள் சாய்ந்தன. இதனால் இணையதள சேவை போக்குவரத்து மின்சாரம் மற்றும் அத்தியாவசிய பொருட்கள் உட்பட பல அடிப்படை வசதியின்றி பொதுமக்கள் மிகவும் அவதிப்பட்டனர் இதனையடுத்து போர்க்கால அடிப்படையில் இதனை சீரமைக்கும் பணியில் ஆயிரக்கணக்கான அரசுதுறை மின்வாரிய தொழிலாளர்கள் நெடுஞ்சாலைதுறை பணியாளர்கள் துப்புரவு பணியாளர்கள் ஈடுபடுத்தப்பட்டனர். இதனால் தற்போது இயல்பு நிலை திரும்பி வருகிறது. இந்நிலையில் சாய்ந்த மரங்களுக்கு பதிலாக புதிய மரங்களை நடும் பணியில் நெடுஞ்சாலைதுறையினர் ஈடுபட்டுள்ளனர். சாய்ந்த மரங்களுக்கு மாற்றாக நாட்டு மரங்களான புங்கை, வேம்பு, பாதாம், பூவரசு, இயல்வாகை போன்ற நாட்டு மரங்களை நட நெடுஞ்சாலைதுறை முடிவு செய்தது. இதில் முதல் கட்டமாக உத்திரமேரூர் அருகே வேடபாளையத்தில் உள்ள நெடுஞ்சாலைதுறை அலுவலகம் மற்றும் ஏரிக்கரையில் பகுதிகளில் நெடுஞ்சாலைத்துறை மற்றும் சென்னை ஐந்தினை குழுவும் இணைந்து நாட்டு மரங்களை நடும் பணி நேற்று துவங்கியது இந்நிகழ்ச்சியில் நெடுஞ்சாலைத் துறை செங்கல்பட்டு கோட்டப் பொறியாளர் ரமேஷ், உதவிக் கோட்டப் பொறியாளர், ஊழியகளுடன், ஐந்தினைக் குழு நிர்வாகி திருநாவுக்கரசு, மாசானமுத்து உட்பட நிர்வாகிகளுடன் இணைந்து மரக்கண்று நடும் பணி துவங்கப்பட்டது. இந்நிகழ்சியில் குண்ணவாக்கம் கிருஷ்ணமூர்த்தி உட்பட நெடுஞ்சாலைத்துறை ஊழியர்கள் மற்றும் ஐந்தினை குழு உறுப்பினர்கள் பலர் கலந்து கொண்டனர்.

 

Jallikattu 2019 | Alanganallur

Viswasam Review | Ajith | Nayanthara | Viswasam Movie review

PETTA MOVIE REVIEW | Petta Review | Rajinikanth | Vijay Sethupathi | Karthik Subbaraj | Anirudh

Chippiparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover - Part 5

Power of Attorney | பவர் பத்திரம் | பவர் ஆப் அட்டார்னி | பொது அதிகார பத்திரம்

குடித்துவிட்டு வாகனம் ஓட்டி விபத்து நடிகர் சக்தி கைதாகி விடுதலை

குறைந்த செலவில் அதிக லாபம் தரும் நாட்டு கோழி வளர்ப்பு | Nattu kozhi

இதை ஷேர் செய்திடுங்கள்: