ஒட்டன்சத்திரம் பகுதிகளில் காகிதப்பூக்கள் சினிமா படப்பிடிப்பு

ஒட்டன்சத்திரம் -.ஒட்டன்சத்திரம் பகுதியில் முக்கோண காதல் கதை கொண்ட திரைப்படம் புதுமுக இயக்குனர் மற்றும் நடிகர்களை வைத்து படப்பிடிப்பு நடைபெற்று வருகிறது    திண்டுக்கல் மாவட்டம் ஒட்டன்சத்திரம் பகுதிகளில் முற்றிலும் மாறுபட்ட முழுவதும் வேறுபட்ட முக்கோண காதல் கதை |" காகித பூக்கள் "புதுமுகங்களுடன் புதிய இயக்குனருடன் படப்பிடிப்பு நடைபெற்று வருகிறது.ஸ்ரீ சக்திவேல் சினி கிரியேஷன்ஸ் சார்பில் உருவாகும் இப்படத்திற்கு " காகித பூக்கள் " என பெயரிட்டுள்ளனர். புதுமுகங்கள் லோகன் - பிரியதர்ஷினி இருவருடன் ப்ரவீண்குமார் முக்கிய வேடத்தில் நடிக்கும் இதில் மேலும் தில்லைமணி, தவசி , பாலு, ரேகாசுரேஷ் இன்னும் பலர் நடிக்கின்றனர்.
 இத்தோஷ் நந்தா இசையமைக்க, சிவபாஸ்கர் கேமராவை கையாள, சுதர்சன் படத்தொகுப்பையும், பாலசுப்ரமணியம் கலையையும், ஸ்ரீ சிவசங்கர் - ஸ்ரீ செல்வி இருவரும் நடன பயிற்சியையும், சுப்ரமணியன் தயாரிப்பு நிர்வாகத்தையும் கவனிக்கின்றனர்.
 திண்டுக்கல், ஒட்டன்சத்திரம், பொள்ளாச்சி மற்றும் அதனை சுற்றியுள்ள பகுதிகளில் படப்பிடிப்பு நடைபெற்று வருகிறது. இதன் கதை, திரைக்கதை, வசனம், எழுதி தயாரித்து இயக்குனராக அறிமுகமாகிறார் முத்துமாணிக்கம்.