குற்றாலத்தில் மது அருந்தி வாகனம் ஓட்டினால் நடவடிக்கை : கலெக்டர் சந்தீப் நந்தூரி எச்சரிக்கை

ஞாயிற்றுக்கிழமை, 18 ஜூன் 2017      திருநெல்வேலி

நெல்லை  மாவட்டம் குற்றாலத்தில் குற்றால சாரல் தொடங்கும் போது பொதுமக்கள், சுற்றுலா பயணிகள் பாதுகாப்பாக வந்து செல்வது மற்றும் சுகாதார பணிகள் பராமரிப்பு தொடர்பான முன்னேற்பாடு ஆலோசனை கூட்டம் மாவட்ட ஆட்சியர் சந்தீப் நந்தூரி தலைமையில்  நடைபெற்றது. இக்கூட்டத்தில் மாவட்ட ஆட்சியர் தெரிவித்ததாவது,

 குற்றால சீசன்

குற்றால பகுதிகளில் சீசன் தொடங்குவதை முன்னிட்டு சுற்றுலா பயணிகள் வந்து குளித்து செல்வதற்கு தேவையான வசதிகளை ஏற்படுத்தி தருவதற்கு  அனைத்து துறை அலுவலர்களும் ஒருங்கிணைந்து செயல்பட வேண்டும். குற்றால பகுதிகளில் வழிகாட்டு பலகைகள் மற்றும் பிளாஸ்டிக் பைகள் உள்ளிட்ட தடை செய்யப்பட்ட சோப்பு, சாம்பு, எண்ணெய் பொருட்கள் குறித்த விழிப்புணர்வு  பலகைகள் முக்கிய இடங்களில் அனைவருக்கும் தெரியும் வகையில் வைக்க வேண்டும்.


பல்வேறு வசதிகள்

அருவி பகுதிகளில் சுகாதாரமான குடிநீர் சுற்றுலா பயணிகளுக்கு வழங்கப்படுகிறதா என்பதை உறுதி செய்ய வேண்டும். அருவி பகுதிகளில் அதிக இடங்களில் குப்பை தொட்டிகள் அமைத்து பொதுமக்கள் குப்பைகளை குப்பை தொட்டியில் போட வழிவகை செய்ய வேண்டும். சுகாதாரத்துறையின் மூலம் 108 ஆம்புலன்ஸ் தேவையான பகுதிகளில் நிறுத்தி வைக்க வேண்டும். மேலும் முதலுதவி சிகிச்சைக்கு  தேவையான மருந்து உள்ளிட்ட மருத்துவ குழுவினரை தயார் படுத்திட வேண்டும். அருவி பகுதிகளில் ஆண்கள் மற்றும் பெண்கள் உடை மாற்றும் அறைகள் மேம்படுத்துவதுடன்  உடை மாற்றும் இடம் மற்றும்  கழிப்பிடங்களில் பராமரிப்பு பணிகள் மற்றும் சுத்தப்படுத்தும் பணிகளை உடனுக்குடன் மேற்கொள்ள வேண்டும்.  தடையை மீறி பிளாஸ்டிக் பை உபயோகித்தல் கடைகள் மீது அபராதம் மற்றும் கடுமையான நடவடிக்கை எடுக்க வேண்டும். குற்றால பகுதிகளில் மது அருந்தி வாகனம் ஓட்டுபவர்களால் அதிகமான சாலை விபத்து ஏற்படுகிறது அதனை தடுப்பதற்கு காவல்துறையினர் மது அருந்தி வாகனம் ஓட்டுபவர்கள் மீது நடவடிக்கை எடுக்க வேண்டும்.

கலெக்டர் எச்சரிக்கை

அதே போல் மது அருந்தியவர்கள் குளிக்கவும் தடை செய்யும் வகையில் நடவடிக்கை மேற்கொள்ள வேண்டும். குற்றால சாரல் விழா 2017 க்கான அனைத்து முன்னேற்பாடுகளும் செய்யப்பட்டுள்ளது. என தெரிவித்தார். தொடர்ந்து  மாவட்ட ஆட்சியர் மெயின் அருவி பகுதிகளில் உள்ள சுற்றுலா பயணிகள் பயன்படுத்தும் கழிப்பறைகள், தெருவிளக்குகள், குடிநீர் வசதிகள், சாலை வசதிகள், அருவி பகுதிகள், அப்பகுதி கடைகளுக்கு நேரில் சென்று ஆய்வு செய்தார். 

பலர் பங்கேற்பு

இக்கூட்டத்தில் மாவட்ட வருவாய் அலுவலர் முத்துராமலிங்கம்,மாவட்ட ஊரக வளர்ச்சி முகமை திட்ட இயக்குநர் பழனி, தென்காசி வருவாய் கோட்டாட்சியர் ராஜேந்திரன், பேரூராட்சிகளின் உதவி இயக்குநர் மாஹீன்; அபுபெக்கர், மாவட்ட ஆட்சித் தலைவரின் நேர்முக உதவியாளர் (பொது) ராமசுப்பிரமணியன்,(பொ) உட்பட அனைத்து துறை அலுவலர்கள் கலந்து கொண்டனர்.

இதை ஷேர் செய்திடுங்கள்:

View all comments

வாசகர் கருத்து

சில சுவாரிஸ்யமான தகவல்கள்

அடிக்கடி தக்காளி ...

தக்காளியில் அதிகளவு உள்ள சிட்ரிக் ஆசிட், வயிற்றில் அதிக கேஸ் மற்றும் எரிச்சலை உண்டாக்கி, ஜீரண சக்தியை குறைத்துவிடும். மேலும், சருமத்தில் அலர்ஜியை ஏற்படுத்தி, இருமல், தும்மல், தொண்டை எரிச்சல் போன்ற பிரச்சனையை உருவாக்கும். கிட்னி தொடர்பான பிரச்சனை உள்ளவர்கள், பொட்டாசியம் நிறைந்த தக்காளியை அதிகம் சாப்பிடக் கூடாது.

செவ்வாய் கிரகத்தில்....

பூமியை போன்று விவசாயம் செய்வதற்கு ஏற்ற தகவமைப்புகள் செவ்வாய் கிரகத்தில் இருப்பதாக கூறும் நாசா விஞ்ஞானிகள் அங்கு விவசாயம் செய்வதன் மூலம் ஒரு வருடத்துக்கு தேவையான உணவுகளை உற்பத்தி செய்து கொள்ள முடியும் என்றும் கூறுகின்றனர். பசுமைகுடில் தொழில்நுட்பம் மூலம் விண்வெளி வீரர்கள் தங்கிருக்கும் அறைகளில் விவசாயம் செய்ய திட்டமிடப்பட்டுள்ளது.

எச்சரிக்கை எச்சரிக்கை

அமெரிக்காவில் தயாராகியுள்ள ஐபோன் வடிவிலான ஸ்மார்ட்போன் வடிவ துப்பாக்கியில் 9 மி.மீ. அளவு கொண்ட குண்டுகளைப் பயன்படுத்த முடியும். இணையதளம் ஒன்றில் விற்பனைக்கு வர உள்ள இந்த நவீன துப்பாக்கியை ஆன்லைனில் 12,000-த்துக்கும் மேற்பட்டோர் முன்பதிவு செய்துள்ளனர் என்பது ஆச்சரியமான தகவல்.

ஸ்மார்ட் ஸ்கார்ஃப்

காற்று மாசுபடுதலில் இருந்து தற்காத்துக் கொள்ள ஸ்மார்ட் ஸ்கார்ஃப் ஒன்று அறிமுகமாகியுள்ளது. வையர் என்ற இந்த ஸ்கார்ஃப், மொபைல் ஃபோனுடன் இணைந்து செயல்படுகிறது.  நாம் வெளியே வரும்போது, காற்றின் மாசு எவ்வளவு, ஸ்கார்ஃப் அணிய வேண்டுமா வேண்டாமா என்பதை இதனுடன் இணைக்கப்பட்டிருக்கும் மொபைல் போன் தனது அப்ளிகேஷன் மூலம் வழிகாட்டுகிறது.

குழந்தைக்கு எமன்

15 நிமிடங்களுக்கு மேல் தொலைக்காட்சி பார்க்கும் குழந்தைகளின் ஆக்கப்பூர்வமான சிந்தனை படைப்புகள் தற்காலிகமாக குறைவதாக, 3 வயதுடைய 60 குழந்தைகளிடம் நடத்தப்பட்ட ஆய்வில் தெரிய வந்துள்ளது.

வழிகாட்டும் வரைபடம்

உலக சுகாதார அமைப்பின் படி உலகில் மொத்தம் 28.5 கோடி பேர் பார்வையற்றவர்களாக உள்ளனர். இந்தியாவில்தான் அதிக பார்வையற்றோர் இருக்கிறார்களாம். இந்நிலையில் உலகின் முதல் முறையாக பார்வையிழந்தோருக்கென வரைபடம் கண்டுபிடிக்கப்பட்டுள்ளது. இந்த வரைபடத்தை, பார்வையற்றோர் உணர முடியும். கருப்பு மற்றும் வெள்ளை நிறத்தில் மொத்தம் 84 பக்கம் கொண்ட வரைபடம் A-3 வகை காகிதம் கொண்டு தயாரிக்கப்பட்டுள்ளது. இந்த வரைபடம் உருவாக்குவதற்கான திட்டப்பணிகள் 1997 ஆம் ஆண்டு துவங்கி தற்சமயம் நிறைவுற்றிருக்கிறது. முதற்கட்டமாக ஆங்கிலம் மட்டுமில்லாமல் பெங்காலி, குஜராத்தி மற்றும் தெலுங்கு உள்ளிட்ட மொழிகளில் இந்த வரைபடம் உருவாக்கப்பட்டுள்ளது.

உடற்பயிற்சி

நாம் எந்த உடற்பயிற்சி செய்தாலும் உடலும், மனமும் முழு ஈடுபாட்டில் இருப்பது முக்கியம். உடற்பயிற்சி என்பது உடலை கஷ்டப்படுத்துவது அல்ல. உடலை வருத்திக்கொண்டு பயிற்சி செய்யும்போது, உடல் சோர்வடைவதால் உற்சாகமும் விரைவில் குறைந்துபோய் உடற்பயிற்சியையே கைவிட நேரிடும்.  எனவே ஆர்வத்தைத் தூண்டும் பயிற்சிகளை முதலில் செய்யவும்.

விண்வெளியில் இன்னொரு பூமி

இங்கிலாந்தின் ஹெர்ட்போர்ட்ஷைர் பல்கலைக்கழகத்தைச் சேர்ந்த ஆய்வாளர்கள் சூரிய குடும்பத்துக்கு வெளியே 816 நட்சத்திரங்களைக் கொண்ட சூரியகுடும்பத்தைப் போன்றதொரு நட்சத்திர குடும்பத்தினைக் கண்டறிந்துள்ளனர். இந்த நட்சத்திரங்களில் பாதியளவுக்கு புதிய நட்சத்திரங்கள். அவற்றில் பெரும்பாலானவை உயிர்வாழ உகந்ததாக உள்ளதாம்.கடந்த 2010ம் ஆண்டு முதல் 2015ம் ஆண்டு வரை தொடர்ச்சியாக அகச்சிவப்பு கதிர்கள் கேமிரா மூலம் ஆய்வு செய்து வந்த ஆய்வாளர்கள் குழு, பூமி போன்றே உயிர்வாழ உகந்த சூழல் நிலவும் நூற்றுக்கும் மேற்பட்ட கிரகங்கள் அந்த நட்சத்திரக் கூட்டத்தில் இருக்கலாம் என்றும் தெரிவித்துள்ளனர்.

மாறாத வழக்கம்

பட்ஜெட் தாக்கல் செய்யும் நிதி அமைச்சர் ஒரு பெட்டியை வைத்திருப்பது எதற்காக என்றால், அதற்கு 'பட்ஜெட்' என்ற பெயர்தான் காரணம். பிரெஞ்ச் மொழியில் 'பவ்கெட்' என்றால் தோல் பை என்று பொருள். அதிலிருந்துதான் பட்ஜெட் என்ற சொல் உருவானது. 18-ம் நூற்றாண்டில் பிரிட்டன் நிதி அமைச்சர் அந்நாட்டு வருடாந்திர வரவு செலவு அறிக்கை தாக்கல் செய்யும்போது உதவியாளரிடம் ஓபன் தி பட்ஜெட் என்று கூறினார். மேலும், பட்ஜெட்டை தாக்கல் செய்வதற்கு முன்பாக, லண்டனின் உள்ள நாடாளுமன்ற கட்டிடம் முன் சூட்கேசை நிதி அமைச்சர்கள் நாலாபுறமும் காட்டுவது தொன்று தொட்ட நடைமுறை. அதில் உள்ள அச்சடித்த காகிதங்கள் அடுத்த ஓராண்டில் நாட்டின் தலையெழுத்தை நிர்ணயிப்பது சிறப்பம்சம். அதுவே இன்று வரை நமது நிதியமைச்சர்களுக்கு பழகிப் போன ஒன்றாகி விட்டது.

அனைவருக்கும் ஏற்றது

உடற்பயிற்சியில் ஏரோபிக், அனரோபிக் என 2 வகை பயிற்சி முறைகள் உள்ளன. குறைந்த நேரத்தில் அதிகப்படியான ஆற்றலை வெளிப்படுத்தி ஓடும் 100 மீ. ஓட்டப்பந்தயம் ஏரோபிக் பயிற்சியாகவும், அதிக நேரத்தில் மிதமாக ஓடக்கூடிய 1500 மீட்டர் ஓட்டப்பந்தயம் அனரோபிக் பயிற்சியாகும். அனரோபிக்  அனைத்து வயதினருக்கும் ஏற்றது.

சாப்பிடும் போது...

சுவாசக்குழாய் திறந்தால்தான் ஒருவரால் பேசமுடியும். நாம் பேசிக்கொண்டே சாப்பிடும்போது சுவாசக்குழாய் திறப்பதால், இதற்குள் உணவுப்பொருள் நுழையும் ஆபத்து அதிகம். அதை வெளியேற்ற நடக்கும் செயல்தான் புரையேறுதல். எனவே சாப்பிடும் போது பேசுவதை தவிர்ப்பதே நல்லது.

பிரபலமான தலங்கள்

உலகுக்கே காதலை போதித்த காமசூத்ரா எழுதப்பட்ட நாடு இந்தியா. அதுமட்டுமல்லாமல் இந்தியாவில் உள்ள இந்து கோயில்களில் அற்புதமாக காதலை வெளிப்படுத்தும் சிற்பங்களை ஏராளம் காணலாம். அவற்றில் காமக்கலையினை காட்சி வடிவமாக பிரதிபலிக்கும் கட்டிடக்கலை அதிசயம் கஜுராஹோ. இதன் காரணமாக இங்கு வெளிநாட்டவர் கூட்டம் அதிக அளவில் காணப்படுகிறது. கோவா ஒரு சுற்றுலாத் தலமாக அற்புதமான விடுமுறை கால கொண்டாட்டமாகவும், அடைவதற்கு சுலபமான இடமாகவும் இருக்கிறது.